De Fryske Boekewike set útein mei de presintaasje fan it Kadoboek op freed 30 oktober. It Kadoboek is dêrnei de hiele Boekewike fergees te krijen by oankeap fan €15,- oan Fryske boeken. Ek tidens Sutelaksjes yn de Fryske Boekewike.
By besteging fan €15 oan Fryske boeken
De Fryske Boekewike set útein mei de presintaasje fan it Kadoboek op freed 30 oktober. It Kadoboek is dêrnei de hiele Boekewike fergees te krijen by oankeap fan €15,- oan Fryske boeken. Ek tidens Sutelaksjes yn de Fryske Boekewike.
By dizze boekhannels kinne jo it spesjale Kadoboek krije by oanskaf fan in Frysk boek.
Boeken fan Fryslân organisearret graach yn gearwurking mei jo in literêre jûn of middei. Dat kin fansels oeral. Yn in boekhannel, bibleteek, tún of yn it pleatslik kafee. Nim foar mear ynformaasje kontakt op mei ynfo@boekenfanfryslan.frl
‘Seis Ses Zesse Ses’ ferrassende ferhalen fan skriuwers dyt de lêzer meinimme yn harren eigen taal: it Frysk, Stellingwarfs, Snekers en it Bildts. Fjouwer talen, seis stimmen en wrâlden dy’t fertroud lykje, mar hieltyd in ferrassende draai nimme. Humor, tragyk en beskôging wikselje inoar ôf.
Yn de Fryske Boekewike trede de skriuwers fan it Kadoboek yn wikseljende gearstalling rûnom op yn de provinsje.
• 2 novimber, 19.30 Johan Veenstra, Gerard de Jong en Gabrielle Terpstra, Bibliotheek Heerenveen, It Hearrenfean
• 3 novimber, 19.30 Henk van der Veer, Johan Veenstra en Martsje de Jong, De Koperen Kees, Snits
• 4 novimber, 19.30 Gerard de Jong, Martsje de Jong en Marije de Lange, Het Graauwe Paard, Ouwe Syl
• 6 novimber, 19.30 Henk van der Veer, Garbielle Terpstra en Marije de Lange, Bibliotheek Makkum
Alle optredens binne fergees tagonklik en by alle optredens is in ferskaat oan Fryske boeken te keap. It Frysk Kadoboek ’Seis Ses Zesse Ses’ is de hiele Fryske Boekewike fergees te krijen by oankeap fan €15,00 oan Fryske boeken.
It Kadoboek is in inisjatyf fan Boeken fan Fryslân. Boeken fan Fryslân set him yn foar lês- en ferkeapbefoardering en de promoasje fan it Fryske boek. Under oaren troch it organisearjen fan de Fryske Boekewike en de Sutelaksje. Sjoch foar mear ynformaasje oer de aktiviteiten en oare projekten fan Boeken fan Fryslân op www.boekenfanfryslan.frl.
Net minder as seis skriuwers skriuwe it Frysk Kadoboek foar de Fryske Boekewike 2026. Gabrielle Terpstra, Marije de Lange, Martsje de Jong, Gerard de Jong, Henk van der Veer en Johan Veenstra skriuwe elk in ferhaal foar it Kadoboek dat ferskynt ûnder de titel ‘Seis Ses Zesse Ses’. In Kadoboek fol mei persoanlike, waarme, kwetsbere, humoristyske, aktuele en mytyske ferhalen.
Utjouwer Eddy van der Noord fan Utjouwerij Louise is entûsjast: “As útjouwer fyn ik dit in hiel bysûnder projekt. Ik fyn it wichtich dat der yn dit boek ek oandacht is foar streektalen as it Stellingwerfsk, it Snitsers en it Biltsk. Dit kadoboek is in stipe foar it yn libben hâlden fan dy streektalen en it Frysk. Ien fan de skriuwers hat syn ferhaal al klear en ik wol de oare skriuwers net ôfskrikke, mar de latte leit heech. En foar de lêzers is myn boadskip helder: dit Kadoboek meie jo net misse!”
Fryske Boekewike fan 31 oktober o/m 8 novimber 2026
It Kadoboek 2026 is de hiele Boekewike fergees te krijen by oankeap fan teminsten € 15,- oan Fryske boeken. It Kadoboek fan dit jier wurdt útjûn yn gearwurking mei Utjouwerij Louise út Grou.
It Kadoboek is in inisjatyf fan Boeken fan Fryslân. Boeken fan Fryslân set him yn foar lês- en ferkeapbefoardering en de promoasje fan it Fryske boek. Under oaren troch it organisearjen fan de Fryske Boekewike en de Sutelaksje. Sjoch foar mear ynformaasje oer de aktiviteiten en oare projekten fan Boeken fan Fryslân op www.boekenfanfryslan.frl.
(Foto: Jacob van Essen)
